Gjykata Themelore në Ferizaj ka caktuar masën me nga një muaj paraburgim ndaj 9 shtetasve kosovarë S.SH., A.D., V.N., S.D., A.SH., B.H., S.SH., S.H., M.SH., dhe 6 shtetasve turq Z.S., F.D., M.Y., A.D., H.I., S.Y., për shkak se kanë kryer veprën penale prodhimi dhe përpunimi i paautorizuar i narkotikëve.

Gjykata thotë se ekziston dyshimi i bazuar se të pandehurit kanë kryer veprën penale dhe ky dyshim i bazuar mbështet nga faktet dhe provat, të cilat janë të bashkangjitura deri në këtë fazë.

Palët njoftohen se ankesa kundër këtij aktvendimi nuk e shtyn ekzekutimin e tij.

Kujtojmë se 15 të dyshuarit janë arrestuar nga Policia e Kosovës në aksionin e realizuar me kodin “Gropa”, ku janë kontrolluar e bastisur disa lokacione në regjionin e Ferizajt.

Gjashtë prej të arrestuarve, sipas njoftimit të policisë janë shtetas të Turqisë.

Policia ka arritur të konfiskojë 73 kilogramë substancë narkotike të llojit heroinë, para, telefona dhe vetura./arbresh.info/